Persónuvernd

Hver ber ábyrgð?

Flutningslausnir ehf., kt. 580324-0450, ber ábyrgð á vinnslu persónuupplýsinga sem lýst er hér. Spurningar sendast á flutningslausnir@gmail.com eða í síma 454-5464.

Hvaða upplýsingum söfnum við?

• Fyrirspurnir og bókanir (á vefnum, í síma, tölvupósti eða í gegnum fyrirspurnarform á Facebook og Instagram): nafn, sími, netfang, heimilisföng, dagsetning og lýsing á verkinu.
• Verkið sjálft: það sem þarf til að vinna verkið vel, t.d. aðgengi, hæð og lyftu, og myndir ef þú sendir okkur þær.
• Dreifing: nöfn, heimilisföng og símanúmer sendanda og viðtakanda, upplýsingar um sendinguna og kennitala greiðanda ef greitt er með kröfu. Við töku og afhendingu skráum við nafn þess sem tekur við og tökum ljósmynd af sendingunni.
• Reikningar: nafn, kennitala, heimilisfang og upphæð.
• Póstlisti: netfang.
• Umsagnir: nafn, einkunn og texti.
• Heimsóknir á vefinn: tölfræði um notkun, aðeins ef þú samþykkir (sjá Vafrakökur).
• Uppruni fyrirspurnar: með fyrirspurn af vefnum fylgir hvaðan heimsóknin kom (t.d. auglýsing á Google eða Facebook, leit eða bein heimsókn), svo við sjáum hvaða auglýsingar skila verkum.

Til hvers notum við þær og á hvaða grundvelli?

• Til að svara fyrirspurnum, gera tilboð og vinna verkið sem þú bókar. Grundvöllur: samningur við þig eða undirbúningur hans.
• Til að gefa út reikninga og uppfylla lög um bókhald. Grundvöllur: lagaskylda. Kennitölu notum við aðeins þegar hennar er þörf fyrir reikning eða kröfu.
• Til að geta sýnt fram á að sending hafi verið sótt og afhent í lagi (nafn og ljósmynd). Grundvöllur: lögmætir hagsmunir okkar og þínir.
• Til að senda póstlista, aðeins ef þú skráðir þig á hann. Grundvöllur: samþykki.
• Til að birta umsögn, aðeins ef þú leyfðir það. Grundvöllur: samþykki.
• Til að telja heimsóknir á vefinn. Grundvöllur: samþykki.
• Til að mæla árangur auglýsinga, aðeins ef þú leyfir markaðskökur. Grundvöllur: samþykki.

Hverjir fá aðgang?

Við seljum aldrei upplýsingar og afhendum þær ekki öðrum í markaðsskyni. Starfsmenn og undirverktakar sem vinna verkið fá aðeins það sem þeir þurfa, til dæmis heimilisfang og símanúmer.

Eftirtaldir þjónustuaðilar vinna upplýsingar eingöngu fyrir okkur:

• Netlify — hýsing vefsins og móttaka vefforma.
• Google — tölvupóstur, afritun gagna, Google Analytics og Google Ads.
• Meta — auglýsingamælingar.
• Microsoft — tölvupóstur fyrirtækisins.
• Bókhaldsþjónusta — færsla bókhalds og reikninga.

Ef þú sendir fyrirspurn í gegnum form á Facebook eða Instagram fer Meta einnig með upplýsingarnar samkvæmt eigin persónuverndarstefnu.

Sumir þessara aðila geyma gögn utan Evrópska efnahagssvæðisins, m.a. í Bandaríkjunum. Það er gert á grundvelli viðurkenndra öryggisráðstafana, svo sem staðlaðra samningsákvæða eða gagnaverndarramma ESB og Bandaríkjanna. Við afhendum upplýsingar til yfirvalda aðeins ef lög krefjast þess.

Hve lengi geymum við þær?

• Fyrirspurnum sem leiða ekki til verkefnis er eytt innan 12 mánaða.
• Upplýsingar um unnin verk geymum við eins lengi og þarf vegna verksins, mögulegra kvartana og bókhalds.
• Upplýsingum og myndum vegna afhentra sendinga í dreifingu er eytt eftir 180 daga.
• Bókhaldsgögn eru geymd í 7 ár eins og lög gera ráð fyrir.
• Netfang á póstlista er geymt þar til þú afskráir þig. Umsögn er birt þar til þú biður okkur að fjarlægja hana.

Vafrakökur

• Nauðsynleg geymsla: vafrinn geymir stillingar eins og tungumálaval og hvort þú samþykktir vafrakökur. Þetta þarf ekki samþykki.
• Tölfræði (aðeins með samþykki): ef þú samþykkir tölfræðikökur notum við Google Analytics til að telja heimsóknir og sjá hvaða síður eru skoðaðar. Google Analytics setur tölfræðikökur og geymir ekki IP-töluna þína. Gögnin eru unnin af Google, m.a. í Bandaríkjunum.
• Markaðskökur (aðeins með samþykki): ef þú samþykkir markaðskökur notum við Meta Pixel og Google Ads til að mæla hvort auglýsingar okkar á Facebook, Instagram og Google skili fyrirspurnum. Meta og Google geta tengt þetta við aðgang þinn hjá þeim samkvæmt eigin persónuverndarstefnum. Ef þú sendir fyrirspurn sendum við Google einnig netfang og símanúmer á hössuðu (rugluðu) formi, svo Google geti tengt fyrirspurnina við auglýsinguna sem þú smelltir á.

Þú getur breytt valinu hvenær sem er með hlekknum „Vafrakökustillingar“ neðst á síðunni.

Opna vafrakökustillingar

Öryggi⁠

Aðgangur að upplýsingum er takmarkaður við þá sem þurfa hann vegna starfa sinna, og við notum þjónustuaðila sem vernda gögn með dulkóðun og aðgangsstýringu.

Þinn réttur

Þú átt rétt á að fá að sjá upplýsingar um þig, fá þær leiðréttar eða þeim eytt, takmarka vinnslu, andmæla vinnslu sem byggist á lögmætum hagsmunum og fá upplýsingarnar afhentar á tölvutæku formi. Þú getur afturkallað samþykki hvenær sem er. Sendu okkur línu á flutningslausnir@gmail.com og við svörum innan mánaðar.

Ef þú ert ósátt(ur) við meðferð persónuupplýsinga getur þú leitað til Persónuverndar á netfangið postur@personuvernd.is eða á vefnum www.personuvernd.is.

Breytingar

Við uppfærum þessa stefnu ef vinnslan breytist.

Síðast uppfært í október 2026.